The snake bite

 കുടുംബബന്ധങ്ങളിൽ ഗോൾഡൻ ചൈൽഡ് – സ്കേപ്‌ഗോട്ട് ചൈൽഡ് സിന്ഡ്രോം (A Psychological Report on Unequal Emotional Roles in Family Dynamics) ആമുഖം  ഈ പഠനത്തിന് നമുക്ക് അമ്മയും രണ്ടു മക്കളുമുള്ള കുടുംബത്തിലെ വികാരവ്യവസ്ഥ തിരഞ്ഞെടുക്കാം. രണ്ടു മക്കൾ മൂത്തയാൾ മകനും രണ്ടാമത്തെ ആൾ മകളും ആയി കരുതാം. ഒരു അമ്മയും രണ്ടു മക്കളുമുള്ള ചെറിയ കുടുംബത്തിൽ, അമ്മയുടെ സ്നേഹവും പ്രതീക്ഷകളും എല്ലായ്പ്പോഴും ഒരുപോലെ വിഭജിക്കപ്പെടാറില്ല. ചിലപ്പോൾ അമ്മ ഒരു മകനെ അത്യന്തം സ്‌നേഹത്തോടെയും കരുതലോടെയും സമീപിക്കും — അവനോ അവളോ “ഗോൾഡൻ ചൈൽഡ്” (Golden Child) ആകുന്നു. അതേ സമയം, മറ്റെ മകൻ അല്ലെങ്കിൽ മകൾ എല്ലാ ഉത്തരവാദിത്വങ്ങളും വഹിക്കുകയും, കുടുംബത്തിലെ കുറ്റങ്ങളും ഭാരം വഹിക്കുന്നവനായി മാറുകയും ചെയ്യും — ആ കുട്ടി “സ്കേപ്‌ഗോട്ട് ചൈൽഡ്” (Scapegoat Child) ആണ്. ഇവിടെയുള്ള കുടുംബത്തിൽ, മൂത്ത മകൻ എല്ലാം തോളിലേറ്റിയിരിക്കുന്ന ഉത്തരവാദിത്തമുള്ള വ്യക്തിയാണ്. അമ്മയുടെ ജീവിതത്തിന്റെ സ്ഥിരതയും സുരക്ഷയും അവരുടെ കുടുംബമാകുമ്പോൾ അത് സംരക്ഷിക്കേണ്ട ചുമതല അവനിൽ ആണ് ചെന്നെത്തുന്നത്. അഥവാ കുടുംബനാഥൻ എന്ന സ്ഥാനം ഇനി അവൻ ആണ് ഏൽക്കേണ്ടി വരിക...

The route to a Satisfied Mind  സമൂഹത്തിൽ ജീവിക്കാൻ ചെലവ് കുറഞ്ഞ ലളിത ജീവിതം സാധ്യമെങ്കിലും  നമ്മൾ വില കൂടിയ സങ്കീർണമായ ആയ ജീവിതത്തിലേക്ക് ആകൃഷ്ടരാകുന്നത് എന്ത് കൊണ്ടാണ്? ഒരിക്കൽ കേരളം സന്ദർശിച്ചപ്പോൾ എന്റെ ഒരു കൽക്കട്ടക്കാരൻ സുഹൃത്ത് പറഞ്ഞ ഒരു കാര്യമാണ് എന്റെ മനസ്സിൽ ആദ്യം വരുന്നത്. ഹിന്ദിയിൽ ഒരു പഴമൊഴി ഉണ്ടത്രേ: “ഒരു വ്യക്തിക്ക് ജീവിക്കാൻ ഒരു ഒറ്റമുറി മതി. ബാക്കി എല്ലാം അവന്റെ അഹങ്കാരവും, മറ്റുള്ളവരെ കാട്ടിക്കൂട്ടാനുള്ള പ്രദർശനവുമാണ്.” ആ വാക്കുകൾ ആലോചിച്ചപ്പോൾ, നമ്മുടെ നാട്ടിലും ഇതേ ആശയം പല രീതികളിൽ നമ്മൾ കേട്ടിട്ടുണ്ടെന്ന് തോന്നി. ഒരുപക്ഷേ കേൾക്കാനും സമ്മതിക്കാനും എളുപ്പമാണ്, ജീവിതത്തിൽ അത് നടപ്പിലാക്കാനാണ് നമ്മുക്ക് ഏറ്റവും പ്രയാസം. ഒരു മനുഷ്യന്റെ ജീവിതം നിലനിർത്താൻ വേണ്ട അടിസ്ഥാന ആവശ്യങ്ങൾ– ഭക്ഷണം, വസതി, കൂട്ടായ്മ, ഒരു ലക്ഷ്യം. ഇവയെല്ലാം തന്നെ  ചെലവുകുറച്ച് സുലഭമായി നേടാവുന്നതാണ്. എങ്കിലും, ആധുനികതയുടെ വിരൽത്തുമ്പിൽ ലഭ്യമായ സൗകര്യങ്ങളുടെ ലോകത്ത്, നാം കഷ്ടപാടുകളുടെയും സമ്മർദ്ദങ്ങളുടെയും ഭാരമേറിയ ജീവിതത്തിലേക്കാണ് പലപ്പോഴും വഴുതിവീഴുന്നത്. ലളിതവും ചെലവുകുറഞ്ഞതുമായ ജീവിത...